ಲೈಂಗಿಕ ಕ್ರಿಯೆಯ ನಂತರ ಬ್ರೌನ್ ಡಿಸ್ಚಾರ್ಜ್: ಇದರ ಅರ್ಥವೇನು?

ಯೋನಿಯ ಬ್ರೌನ್ ಡಿಸ್ಚಾರ್ಜ್ ಎಂದರೆ ಏನು?

ಬ್ರೌನ್ ಡಿಶ್ಚಾರ್ಜ್ (ಕಂದು ಬಣ್ಣದ ಯೋನಿ ವಿಸರ್ಜನೆ) ಎಂದರೆ ಯೋನಿಯಿಂದ ವಿಸರ್ಜಿತವಾದ ಸ್ರಾವವು ಸಾಮಾನ್ಯ ಬಣ್ಣದ ಬದಲಿಗೆ ಕಂದು ಬಣ್ಣದಲ್ಲಿ ಕಾಣಿಸುತ್ತದೆ ಎಂದರ್ಥ. ಹಳೆಯ ರಕ್ತವು ಲೋಳೆಯೊಂದಿಗೆ ಬೆರೆತಿದ್ದರಿಂದ ಇದು ಸಂಭವಿಸಬಹುದು. ಇದು ಮಹಿಳೆಯರ ಮುಟ್ಟಿನ ಆರಂಭ ಅಥವಾ ಕೊನೆಯಲ್ಲಿ, ರಕ್ತದ ಹರಿವು ಕಡಿಮೆ ಇದ್ದಾಗ ಸಂಭವಿಸಬಹುದು. ಲೈಂಗಿಕ ಕ್ರಿಯೆಯ ನಂತರ ಸರ್ವಿಕ್ಸ್ ನಿಂದ ಸ್ವಲ್ಪ ರಕ್ತಸ್ರಾವವಾಗುವದರಿಂದಲೂ ಇದು ಸಂಭವಿಸಬಹುದು.

ಕೆಲವು ಬಾರಿ, ಕಂದು ಬಣ್ಣದ ವಿಸರ್ಜನೆಯು ಸೋಂಕು ಅಥವಾ ಹಾರ್ಮೋನುಗಳ ಅಸಮತೋಲನದ ಸಂಕೇತವಾಗಿರಬಹುದು. ಬ್ಯಾಕ್ಟೀರಿಯಲ್ ವೆಜಿನೋಸಿಸ್, ಯೀಸ್ಟ್ ಸೋಂಕುಗಳು ಮುಂತಾದ ಲೈಂಗಿಕವಾಗಿ ಹರಡುವ ಸೋಂಕುಗಳು ಯೋನಿ ಸ್ರಾವದ ಬಣ್ಣವನ್ನು ಕಂದು ಬಣ್ಣಕ್ಕೆ ಬದಲಾಯಿಸಬಹುದು. ಹಾರ್ಮೋನುಗಳ ಬದಲಾವಣೆಗಳು, ಋತುಬಂಧ(ಮೆನೋಪಾಸ್)ಗೆ ಮುಂಚಿನ ಪರಿವರ್ತನೆಯ ಹಂತವಾದ ಪೆರಿಮೆನೋಪಾಸ್ ನಲ್ಲಿರುವವರು ಅಥವಾ ಕೆಲವು ಔಷಧಿಗಳ ಸೇವನೆಯು, ಕಂದು ಬಣ್ಣದ ವಿಸರ್ಜನೆಗೆ ಕಾರಣವಾಗಬಹುದು.

ಸಾಮಾನ್ಯವಾಗಿ, ಕಂದು ಬಣ್ಣದ ಯೋನಿ ವಿಸರ್ಜನೆಯು ಹಾನಿಕಾರಕವಲ್ಲ ಮತ್ತು ಇದಿ ತಾತ್ಕಾಲಿಕವಾಗಿರುತ್ತದೆ. ಆದರೆ ಇದು ತುರಿಕೆ, ಸುಡುವಿಕೆ ಅಥವಾ ಕೆಟ್ಟ ವಾಸನೆಯಂತಹ ಇತರ ರೋಗಲಕ್ಷಣಗಳೊಂದಿಗೆ ಬಂದರೆ, ವೈದ್ಯರನ್ನು ಭೇಟಿ ಮಾಡುವುದು ಅಗತ್ಯವಾಗಿದೆ.

ಲೈಂಗಿಕ ಕ್ರಿಯೆಯ ನಂತರ ಬ್ರೌನ್ ಡಿಸ್ಚಾರ್ಜ್ ಎಂದರೇನು?

ಲೈಂಗಿಕ ಕ್ರಿಯೆಯ ನಂತರ ಬ್ರೌನ್ ಡಿಶ್ಚಾರ್ಜ್ ಎಂದರೆ ಮಹಿಳೆಯೊಬ್ಬಳು ಲೈಂಗಿಕ ಕ್ರಿಯೆ ನಂತರ ತನ್ನ ಯೋನಿಯಿಂದ ಕಂದು ಬಣ್ಣದ ಸ್ರಾವವನ್ನು ಕಾಣುವುದು ಎಂದರ್ಥ. ಇರಿಟೇಶನ್ ಅಥವಾ ಹಾರ್ಮೋನುಗಳ ಬದಲಾವಣೆಗಳಂತಹ ಕಾರಣಗಳಿಂದ ಇದು ಸಂಭವಿಸಬಹುದು.

ಕೆಲವು ಬಾರಿ, ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಉಂಟಾಗುವ ಘರ್ಷಣೆಯಿಂದ ಸರ್ವಿಕ್ಸ್ ನಲ್ಲಿ ಸ್ವಲ್ಪ ಹರಿಯುವಂತಾಗಬಹುದು, ಇದರಿಂದ ಸ್ವಲ್ಪ ರಕ್ತಸ್ರಾವ ಉಂಟಾಗುತ್ತದೆ. ಈ ರಕ್ತವು ಯೋನಿ ದ್ರವಗಳೊಂದಿಗೆ ಮಿಶ್ರಿತವಾಗುವ್ದರಿಂದ ಕಂದು ಬಣ್ಣಕ್ಕೆ ತಿರುಗುತ್ತದೆ.

ಇತರ ಸಮಯಗಳಲ್ಲಿ, ಹಾರ್ಮೋನುಗಳ ಬದಲಾವಣೆಗಳು ಗರ್ಭಾಶಯದ ಒಳಪದರವು ಅನಿಯಮಿತವಾಗಿ ಉದುರಿಹೋಗಲು ಕಾರಣವಾಗಬಹುದು, ಇದರಿಂದಲೂ ಕಂದು ಬಣ್ಣದ ವಿಸರ್ಜನೆಗೆ ಕಾರಣವಾಗುತ್ತದೆ.

ಇವೆರಡರ ನಡುವಿನ ವ್ಯತ್ಯಾಸವೇನು?

ಲೈಂಗಿಕ ಕ್ರಿಯೆಯ ನಂತರ ಕಂದು ಬಣ್ಣದ ಯೋನಿ ವಿಸರ್ಜನೆ ಮತ್ತು ಕಂದು ಬಣ್ಣದ ಯೋನಿ ವಿಸರ್ಜನೆಯು ಒಂದೇ ರೀತಿಯಾಗಿದ್ದು, ಈ ಎರಡೂ ಸಂದರ್ಭಗಳಲ್ಲೂ ಯೋನಿಯಿಂದ ಕಂದು ಬಣ್ಣದ ವಿಸರ್ಜನೆ ಉಂಟಾಗುತ್ತದೆ. ಆದರೂ, ಎರಡರ ನಡುವೆ ವ್ಯತ್ಯಾಸಗಳಿವೆ:

ಕಂದು ಬಣ್ಣದ ಯೋನಿ ವಿಸರ್ಜನೆ:

• ಯೋನಿಯಿಂದ ಕಂದು ಬಣ್ಣದ ವಿಸರ್ಜನೆಯು ಯಾವುದೇ ಸಮಯದಲ್ಲಿ ಸಂಭವಿಸಬಹುದು.

• ಸರ್ವಿಕ್ಸ್ ನ ಲೋಳೆಯೊಂದಿಗೆ ಹಳೆಯ ರಕ್ತದ ಮಿಶ್ರಣ, ಹಾರ್ಮೋನಲ್ ಬದಲಾವಣೆಗಳು ಅಥವಾ ಸೋಂಕುಗಳೊಂದಿಗೆ ಮಿಶ್ರಿತವಾಗಿರುವುದರಿಂದ ಆಗಬಹುದು.

• ವಿಸರ್ಜನೆಯ ಟೇಕ್ಸ್‌ಚರ್ ಮತ್ತು ಪ್ರಮಾಣದಲ್ಲಿ ವ್ಯತ್ಯಾಸವಿರಬಹುದು.

• ಕೆಲವೊಮ್ಮೆ, ಇದು ತುರಿಕೆ, ಉರಿಯುವಿಕೆ ಅಥವಾ ವಾಸನೆಯೊಂದಿಗೆ ಬರಬಹುದು.

ಲೈಂಗಿಕ ಕ್ರಿಯೆಯ ನಂತರ ಕಂದು ಬಣ್ಣದ ಯೋನಿ ವಿಸರ್ಜನೆ:

• ಇದು ವಿಶೇಷವಾಗಿ ಲೈಂಗಿಕ ಕ್ರಿಯೆಯ ನಂತರ ಸಂಭವಿಸುತ್ತದೆ.

• ಇದು ಸಾಮಾನ್ಯವಾಗಿ ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಉಂಟಾಗುವ ತೀವ್ರತೆಯ ಕಾರಣದಿಂದ ಗರ್ಭಕೋಶದಿಂದ ಸ್ವಲ್ಪ ರಕ್ತಸ್ರಾವವಾಗುವುದರಿಂದ ಆಗುತ್ತದೆ.

• ವಿಸರ್ಜನೆಯು ಯೋನಿಯ ದ್ರವಗಳೊಂದಿಗೆ ಮಿಶ್ರಿತವಾಗಿರುವುದರಿಂದ ಕಂದು ಬಣ್ಣದಲ್ಲಿರುತ್ತದೆ.

• ಇದು ಸಾಮಾನ್ಯವಾಗಿ ತಾತ್ಕಾಲಿಕವಾಗಿರುತ್ತದೆ ಮತ್ತು ಯಾವುದೇ ಸಮಸ್ಯೆ ಇಲ್ಲದಿದ್ದರೆ ಇತರ ಲಕ್ಷಣಗಳನ್ನು ಉಂಟುಮಾಡುವುದಿಲ್ಲ.
  
  

ಲೈಂಗಿಕ ಕ್ರಿಯೆಯ ನಂತರ ಕಂದುಬಣ್ಣದ ವಿಸರ್ಜನೆಯ ಸಾಮಾನ್ಯ ಕಾರಣಗಳು

ನೀವು ಲೈಂಗಿಕ ಕ್ರಿಯೆಯ ನಂತರ ಕಂದು ಬಣ್ಣದ ವಿಸರ್ಜನೆಯನ್ನು ಗಮನಿಸುತ್ತಿದ್ದರೆ, ಆತಂಕಪಡಬೇಡಿ! ಇದು ಅಷ್ಟೇನೂ ದೊಡ್ಡ ವಿಷಯವಲ್ಲ. ಇದು ಸಂಭವಿಸಲು ಕೆಲವು ಸಾಮಾನ್ಯ ಕಾರಣಗಳು ಇಲ್ಲಿವೆ:

• ಸರ್ವೈಕಲ್ ಇರಿಟೇಶನ್

ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಉಂಟಾಗುವ ಘರ್ಷಣೆಯು ಗರ್ಭಕೋಶದಲ್ಲಿ ಸಣ್ಣ ರಕ್ತಸ್ರಾವಕ್ಕೆ ಕಾರಣವಾಗಬಹುದು, ಇದು ಯೋನಿಯ ದ್ರವಗಳೊಂದಿಗೆ ಮಿಶ್ರಿತವಾಗುವುದರಿಂದ ಸ್ವಲ್ಪ ರಕ್ತಸ್ರಾವವನ್ನು ಉಂಟುಮಾಡುತ್ತದೆ, ಇದರಿಂದ ಕಂದು ಬಣ್ಣದ ವಿಸರ್ಜನೆ ಉಂಟಾಗುತ್ತದೆ.

• ಬ್ರೇಕ್‌ಥ್ರೂ ರಕ್ತಸ್ರಾವ

ಹಾರ್ಮೋನಲ್ ಬದಲಾವಣೆಗಳು ಗರ್ಭಾಶಯದ ಒಳಭಾಗವನ್ನು ಅಸ್ತವ್ಯಸ್ತವಾಗಿ ತೊಲಗಿಸಲು ಕಾರಣವಾಗಬಹುದು, ಇದರಿಂದ ಲೈಂಗಿಕ ಕ್ರಿಯೆಯ ನಂತರ ಹೆಚ್ಚಾದ ರಕ್ತದ ಹರಿವಿನಿಂದ ಕಂದು ಬಣ್ಣದ ವಿಸರ್ಜನೆಯು ಉಂಟಾಗುತ್ತದೆ.

• ಗರ್ಭಕೋಶದ ಪಾಲಿಪ್ಸ್

ಸರ್ವಿಕ್ಸ್ ನ ಮೇಲೆ ಸಣ್ಣ ಬೆಳವಣಿಗೆಗಳು ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಅಥವಾ ನಂತರ ರಕ್ತಸ್ರಾವಕ್ಕೆ ಕಾರಣವಾಗಬಹುದು, ಇದು ಕಂದು ಬಣ್ಣದ ವಿಸರ್ಜನೆಗೆ ಕಾರಣವಾಗಬಹುದು.

• ಸೋಂಕುಗಳು

ಲೈಂಗಿಕವಾಗಿ ಹರಡುವ ಸೋಂಕುಗಳು (ಎಸ್‌ಟಿಐಗಳು) ಅಥವಾ ಯೋನಿ ಸೋಂಕುಗಳು ಲೈಂಗಿಕ ಕ್ರಿಯೆಯ ನಂತರ ಇರಿಟೇಶನ್, ಉರಿಯೂತ ಮತ್ತು ಕಂದು ಬಣ್ಣದ ವಿಸರ್ಜನೆಯನ್ನು ಉಂಟುಮಾಡಬಹುದು.

• ಆಘಾತ ಅಥವಾ ಗಾಯ

ಇತ್ತೀಚಿನ ಆಘಾತ ಅಥವಾ ಸರ್ವಿಕ್ಸ್ ಮೇಲೆ ಮಾಡಿದ ಕಾರ್ಯವಿಧಾನಗಳು ಕಂದು ಬಣ್ಣದ ವಿಸರ್ಜನೆಗೆ ಕಾರಣವಾಗಬಹುದು.

• ಹಾರ್ಮೋನುಗಳ ಬದಲಾವಣೆಗಳು

ಗರ್ಭಧಾರಣೆ, ಋತುಬಂಧ (ಮೆನೋಪಾಸ್) ಅಥವಾ ಹಾರ್ಮೋನಲ್ ಗರ್ಭನಿರೋಧಕಗಳು ವಿಸರ್ಜನೆಯ ಬಣ್ಣವನ್ನು ಪ್ರಭಾವಿತ ಮಾಡಬಹುದು, ಇದು ಲೈಂಗಿಕ ಕ್ರಿಯೆ ನಂತರ ಕಂದು ಬಣ್ನದ ವಿಸರ್ಜನೆಯನ್ನು ಉಂಟುಮಾಡುತ್ತದೆ.

ನೀವು ಕಂದು ಬಣ್ಣದ ಸ್ರಾವವನ್ನು ಗಮನಿಸಿದರೆ ಏನು ಮಾಡಬೇಕು?

ನೀವು ಕಂದು ಬಣ್ಣದ ವಿಸರ್ಜನೆಯನ್ನು ಗಮನಿಸಿದರೆ, ವಿಶೇಷವಾಗಿ ಲೈಂಗಿಕ ಕ್ರಿಯೆ ನಂತರ, ಆತಂಕಗೊಳ್ಳುವುದು ಸಹಜ. ಆದರೆ ಆತಂಕಪಡಬೇಕಾದ ಅಗತ್ಯವಿಲ್ಲ. ಇದನ್ನು ನಿರ್ವಹಿಸಲು ನೀವು ಏನು ಮಾಡಬಹುದು ಎಂಬುದನ್ನು ಇಲ್ಲಿ ನೋಡಿ:

• ಶಾಂತವಾಗಿರಿ

ಕಂದು ಬಣ್ಣದ ವಿಸರ್ಜನೆಯು ಸಾಮಾನ್ಯವಾಗಿ ದೊಡ್ಡ ಸಮಸಸ್ಯೆ ಏನಲ್ಲ, ಆದ್ದರಿಂದ ಚಿಂತಿಸಬೇಡಿ.

• ಇತರ ಲಕ್ಷಣಗಳನ್ನು ಪರಿಶೀಲಿಸಿ

ವಿಸರ್ಜನೆಯ ಜೊತೆಗೆ ನಿಮಗೆ ಯಾವುದೇ ತುರಿಕೆ, ಸುಡುವಿಕೆ ಅಥವಾ ಕೆಟ್ಟ ವಾಸನೆ ಇದೆಯೇ ಎಂದು ನೋಡಿ.

• ಸಮಯದ ಬಗ್ಗೆ ಯೋಚಿಸಿ

ಇದು ನಿಮ್ಮ ಮುಟ್ಟಿನ ಸಮಯದಲ್ಲಿ ಅಥವಾ ಲೈಂಗಿಕತೆಯ ನಂತರವಾಗಿದ್ದರೆ, ಅದು ಸಾಮಾನ್ಯವಾಗಿರಬಹುದು. ಆದರೆ ಅದು ಹಾಗೆ ನಡೆಯುತ್ತಲೇ ಇದ್ದರೆ ಅಥವಾ ನಿಮಗೆ ತೊಂದರೆ ನೀಡುತ್ತಿದ್ದರೆ, ಅದನ್ನು ಪರಿಶೀಲಿಸಿಕೊಳ್ಳುವುದು ಒಳ್ಳೆಯದು.

• ಸ್ವಚ್ಛವಾಗಿರಿ

ಯಾವುದೇ ಇರಿಟೇಶನ್ ಅಥವಾ ಸೋಂಕನ್ನು ತಡೆಗಟ್ಟಲು ನಿಮ್ಮ ಜನನಾಂಗಗಳ ಸುತ್ತಲಿನ ಪ್ರದೇಶವನ್ನು ಸ್ವಚ್ಛವಾಗಿ ಮತ್ತು ಒಣಗಿಸಿಡಿ.

• ವೈದ್ಯರನ್ನು ಭೇಟಿಯಾಗಿರಿ

ಕಂದು ಬಣ್ಣದ ಸ್ರಾವವು ಅಂಟಿಕೊಂಡಿದ್ದರೆ ಅಥವಾ ಇತರ ಲಕ್ಷಣಗಳೊಂದಿಗೆ ಬಂದಿದೆ ಎಂದಾದರೆ, ವೈದ್ಯರನ್ನು ಭೇಟಿಯಾಗುವುದು ಉತ್ತಮ. ಅವರು ಅದನ್ನು ಪರಿಶೀಲಿಸಬಹುದು ಮತ್ತು ಅಗತ್ಯವಿದ್ದರೆ ನಿಮಗೆ ಸಲಹೆ ಅಥವಾ ಚಿಕಿತ್ಸೆ ನೀಡಬಹುದು.

• ನಿಯಮಿತ ತಪಾಸಣೆಗಳನ್ನು ಪಡೆಯಿರಿ

ನಿಮ್ಮ ಸಂತಾನೋತ್ಪತ್ತಿಯ ಆರೋಗ್ಯದ ಮೇಲೆ ನಿಗಾ ಇಡಲು ಮತ್ತು ಯಾವುದೇ ಕಾಳಜಿಗಳನ್ನು ಮುಂಚಿತವಾಗಿ ನಿಭಾಯಿಸಲು ನಿಮ್ಮ ಸ್ತ್ರೀರೋಗ ತಜ್ಞರನ್ನು ನಿಯಮಿತವಾಗಿ ಭೇಟಿಯಾಗುವುದನ್ನು ಮರೆಯಬೇಡಿ.

ಲೈಂಗಿಕ ಕ್ರಿಯೆಯ ನಂತರ ಕಂದು ಬಣ್ಣದ ವಿಸರ್ಜನೆಯನ್ನು ಅರ್ಥಮಾಡಿಕೊಳ್ಳುವುದು ನಿಮ್ಮ ಆರೋಗ್ಯ ಮತ್ತು ಮನಸ್ಸಿನ ಶಾಂತಿಗೆ ಮುಖ್ಯವಾಗಿದೆ. ಇದು ಆತಂಕಕಾರಿ ಎಂದು ತೋರಿದರೂ, ಅದು ಏಕೆ ಸಂಭವಿಸುತ್ತದೆ ಮತ್ತು ಏನು ಮಾಡಬೇಕು ಎಂಬುದನ್ನು ತಿಳಿದುಕೊಳ್ಳುವುದು ನಿಮಗೆ ಹೆಚ್ಚು ಆತ್ಮವಿಶ್ವಾಸವನ್ನು ಹೊಂದಲು ಸಹಾಯ ಮಾಡುತ್ತದೆ. ನೆನಪಿರಲಿ, ಇದು ಸಾಮಾನ್ಯವಾಗಿ ಗಂಭೀರವಾದುದಲ್ಲ, ಆದರೆ ನೀವು ಚಿಂತಿತರಾಗಿದ್ದರೆ ಅಥವಾ ಅದು ನಿರಂತರವಾಗಿದ್ದರೆ, ವೈದ್ಯರನ್ನು ಭೇಟಿಯಾಗುವುದು ಸರಿಯಾಗಿದೆ. ಮಾಹಿತಿಯನ್ನು ಹೊಂದಿರುವುದರ ಮೂಲಕ ಮತ್ತು ನಿಮ್ಮನ್ನು ನೀವು ನೋಡಿಕೊಳ್ಳುವುದರಿಂದ, ನೀವು ಆರಾಮವಾಗಿರಬಹುದು ಮತ್ತು ಒತ್ತಡವಿಲ್ಲದೆ ಆನಂದದ ಕ್ಷಣಗಳನ್ನು ಅನುಭವಿಸಬಹುದು.